LEGAZPI CITY – Pigklaro kan Albay Public Safety and Emergency Management Office (APSEMO) na dai man talaga ipagbabawal an pagtatanom harani sa Bulkang Mayon sa irarom kan rekomendasyong “No Permanent Settlement” orog na kun saro ini sa mga kabuhayan kan pamilya, alagad ini kun normal days sana.
Segun kay APSEMO Chief Dr. Cedric Daep, sa rekomendasyon na ini, ibabawal an pagtindog ki mga permanenteng harong orog na sa 6 kilometer radius.
Limited investment an pwede, kun sain tutugutan sindang magtugdok ki farm house asin magtanom kun normal days .
Alagad, tinawan-doon ni Daep, no human activity pag igwa nin deklarasyon an PHIVOLCS.
