Iimbestigahan ng Department of Education-Davao ang pagkamatay ng isang guro sa Pantukan, Davao de Oro, na namatay umano dahil sa stress matapos na pagtawanan ng principal.
Ayon sa tagapagsalita ng DepEd-11 na si Jenielito Atillo, isang dayalogo ang isasagawa at padadaluhin ang punong-guro.
Base sa imbestigasyon, dinala sa ospital ang guro at namatay umano dahil sa stress matapos umanong sawayin ng principal.
Nangyari ang insidente matapos direktang magsumbong ang isang magulang sa punong-guro na nasugatan ang kanyang anak sa loob ng silid-aralan.
Sa isang group chat, sinabi ng guro na nagche-check siya ng mga papel nang mangyari ang insidente sa estudyante.
Sumasayaw umano ang estudyante at tumama ang ulo sa upuan at nasugatan.
Nagpaabot na ng pakikiramay ang DepEd-Davao de Oro sa pamilya ng guro.
