Muling hinikayat ng Armed Forces of the Philippines (AFP) ang mga Pilipinong mangingisda na huwag matakot na pumalaot sa Bajo de Masinloc.
Ito’y sa gitna ng presensya ng mga barko ng China sa Bajo de Masinloc sa West Philippine Sea.
Ayon kay Navy Spokesperson for the West Philippine Sea Rear Admiral Roy Vincent Trinidad, sa ngayon, wala naman silang report ng harassment na natatanggap mula sa mga mangingisda doon.
Kasunod nito, kanyang sinabi na bagaman hindi nakikita sa surveilance ay patuloy naman nagpapatrolya ang mga barko ng Navy sa Bajo de Masinloc.
Pagtitiyak nya, mananatiling tapat ang AFP sa kanilang mandato na protektahan ang teritoryo ng bansa.
