Gikondena sa schools division sa Panabo City ang gikalambigitang kontrobersiya sa usa ka principal nga nanghulga ug delivery rider.
Base sa pahayag sa buhatan kagahapon, luyo nga gikondena ang hinimuan sa sa nila ka personahe apan gireserba una ang pagpagawas og hukom sanglit moagi matud pa sa hustong proseso.
Gipailawum na usab sa imbistigasyon sa Legal Unit sa Schools Division Office-Panabo City ang maong kaso samtang gisiguro ngadto sa publiko nga dunay himoong legal nga aksyon ang kagawaran aron maresolba ang maong insedente.
Kahinumdumang una nang nagtrending ang gihimo sa usa ka Principal Celeztino Revamonte Jr. human nga iyang gibaharang dunggabon ang delivery rider nga naghatud sa giorder niining tambutso apan dili mao ang iyang gilauman nga produkto.
Sa karon nagpagawas na og show cause order ang DepEd Panabo batok kang Revamonte samtang giandam na usab sa delivery rider ang iyang affidavit alang sa pagpasaka og pormal nga reklamo.BNFM-DAVAO
