KORONADAL CITY- MAHIGIT sa isang milyong mga mag-aaral ang dumagsa sa iba’t ibang mga paaralan sa Soccsksargen region sa pagbubukas ng klase.
Ito ang inihayag ni Department of Education o DepED 12 OIC Assistant Regional Director Kathrine Lotilla batay sa Learner Information System o LIS.
Ngunit ayon kay Lotilla na ito ay madadagdagan pa dahil on-going pa ngayon ang encoding sa LIS at enrollment ng mga estudyante.
Nasa 1,163,839 enrolees ang target ng DepEd 12 ngayong School Year 2023-2024.
Samantala, magpapatupad naman ang DepEd 12 ng class shifting bilang solusyon sa kakulangan ng mga classrooms.
Nasa 8,275 ang classroom shortages sa rehiyon.
May P 3 billion na na alokasyon ang departamento para sa pagpapatayo ng 1,187 na mga silid-aralan.
