GIANGKON ni Glennville Gonzalez, ang department head sa Dr.Jorge P.Royeca Hospital nga adunay P200 million nga lugi ang Dr. Jorge P. Royeca Hospital, apan may pagpaklaro niini ang nahisgutang opisyal.
Segun niini nga nahitabo kini tungod sa pandemic, asa bisan ang mga pribadong ospital matud nalugi usab.
Ang Dr. Jorge P. Royeca Hospital ang nahimong COVID facility since 2020 hangtud miaging tuig ug karon may isolation room na lamang sa COVID-19 cases.
Niadtong panahuna, ang private ward na-convert isip COVID-19 hub mao nga walay admission sa private cases asa maoy naga-subsidize sa no balance billing nga mga pasyente.
Sa ilang record migawas nga gikan 2020 hangtud 2021, mikunhod sa 67 percent ang admission ug 33 percent lang ang ilang admission nga wala pa napuno ang 100 bed limit niadtong mga tuiga, itandi sa 300 to 400 admission daily atol sa pre-pandemic.
Hinuon may gihimo na matud pa nga action plan ang DJPRH aron matapalan ang shortfall ug kini kung makolekta ang anaa sa P348 million nga account receivables gikan sa PhilHealth, DOH, ubang funding institutions ug LGU.
