Isang panalo na lang layo ng Denver Nuggets para maabot ang NBA finals sa unang pagkakataon sa kasaysayan ng franchise.
Nakuha ng Nuggets ang 119-108 road victory laban sa Los Angeles Lakers kanina.
Umiskor si Jamal Murray ng 30 sa kanyang 37 puntos sa first half at iginiit ng Denver Nuggets ang kontrol sa Western Conference finals.
Umiskor naman si Nikola Jokic ng 15 fourth-quarter points para tulungan ang Denver na manguna sa 3-0 sa best-of-seven series.
Samantala, nakuha naman ni James ang 3 sa 9 mula sa 3-point range sa Game 3 at 3-for-19 sa serye.
Ayon sa ilang sports analysts, wala pang koponan sa kasaysayan ng NBA ang nakabawi mula sa 3-0 deficit para manalo sa isang serye.//CA
