Umabot na ng 12 katao ang patay sa nangyaring stampede sa soccer stadium sa El Salvador sa Central America ngayong araw.
Naganap ang insidente sa isang laban sa pagitan ng Alianza at Santa Ana-based team sa Cuscatlán Stadium.
Sinubukan umano ng ilandaang tao na pumasok sa stadium na naging dahilan ng stampede.
Abot sa 100 katao naman ang dinala sa ospital para lapatan ng lunas.
Ayon kay El Salvador President Nayib Bukele, kanilang iimbestigahan ang liga, manager, koponan at lahat ng may kinalaman sa insidente.//CA
