Gin-assign bilang bag-o nga general manager si Director II Martin Jose Valentino Despi it Boracay Inter-Agency Rehabilitation and Management Group (BIARMG).
Ro BIARMG hay ro implementing arm it Boracay Inter-Agency Task Force (BIATF).
Sa datos, bukon eun it bag-o kay Despi ro mga rehabilitation works nga ginpatuman it gobyerno sa Boracay bangud naging parteman raya it pag-umpisa it nasambitan nga proyekto bilang dating Head Coordinator it Beach Tourism Monitoring Team (BTMT) it Department of Interior and Local Government (DILG).
Samtang, ginkumbinse man ni DENR-6 regional executive director Livino B. Duran si Despi nga tapuson ro mga nabimin nga target bago matapos ro termino it Boracay Inter-Agency Task Force sa maabot nga Hunyo 2022./JIL B. LACSON
