Nakapahaom ro Police Regional Office 6 (PRO-6) nga magtao it legal assistance sa mga pulis nga biktima it harassment angot sa andang trabaho.
Sa presente, base kay PRO-6 spokesperson Police Lieutenant Colonel Arnel Solis, ro andang taeatapan hay may ap-at ka mga abogado nga haom magtao it legal nga bulig sa mga kapulisan it rehiyon.
Ginhambae man ni Solis nga haom magtao it legal assistance ro PRO-6 sa sambilog ka pulis it Iloilo Police Provincial Office (IPPO) nga nagapangatubang makara sa perjury nga ginpasaka it mga suspek angot sa pagkamatay it negosyanteng si Clair Diergos./JIL B. LACSON
