Ginapatihan ni Governor Eugenio Jose Lacson sang Negros Occidental sa pihak wala pa makunfirmar, ang Delta variant sang Covid -19 amo ang nag-igo sa probinsya nga gintunaan kun nga-a nagdangat sa malapit sa 4 mil ang active cases kag 288 ang local cases nga narecord sadtong lunes.
Nangin basehan diri ni Lacson amo ang madasig nga paglapta sang pamalati-an dul-ong sang corona virus disease.
Nagapati ang gobernador nga mapakigbatu-an lamang ang madasig nga pagsaka sang kaso, pinaagi sa pagpadayon sang ginapatigayon nga contact tracing kag ang pagbulong sa nga nagkalalatnan sang virus.
Panugyan ni Lacson sa pumuluyo nga magpabakuna kun may yara man lang sang igahatag nga bakuna ilabi na ang mga senior citizens sa diin madamo sa gihapon ang nagapamalibad nga magpabakuna sa tagsa nila sini ka mga ginahalinan nga banwa ukon syudad.
