Nangako si Senator Ronald Bato Dela Rosa na poprotektahan niya si Pangulong Rodrigo Duterte at ang kaniyang sarili mula sa imbestigasyon ng International Criminal Court.
Kabilang sina Duterte at Dela Rosa sa mga akusado sa salang crimes against humanity para sa libo-libong extra-judicial killings na naganap noong panahon ng senador bilang head ng Philippine National Police.
Ayon kay Dela Rosa, papayagan niya lamang ang mga kinatawan ng ICC na magpunta sa Pilipinas para lamang mag-obserba.
Gayunman, hindi niya pahihintulutan ang anuman imbestigasyon na maituturing na sampal sa judicial system ng Pilipinas.
