Malugod na tinanggap ni Pangulong Bongbong Marcos kaninang umaga sa loob ng Palasyo ng Malacañang ang Defense Minister ng Vietnam na si Phan Van Giang.
Ayon sa Pangulo, maituturing na mahalagang punto sa kasaysayan ng Pilipinas at Vietnam ang pagbisitang ito ni Giang.
Dagdag pa ng Presidente, kung dati rati aniya ay nakatuon lamang sa ugnayang diplomatiko ang relasyon ng dalawang bansa, ngayon ay kasama na ang kooperasyon sa depensa at seguridad.
At pangalawa ang ugnayan sa larangan ng kalakalan.
