LEGAZPI CITY – Patuloy naman ang pagmomonitor ng Department of Trade and Industry (DTI) Bicol sa mga kagamitan na binibili sa malls at public market tulad ng mga Christmas decorations kung ito ay dekalidad.
Ayon kay Rodrigo Aguilar ang Regional Director ng nasabing tanggapan, maaari ng malaman ng mga consumers o mamimili ang mga Christmas decorations kung ito ay original sa pamamagitan ng pagdownload ng ICC Verification Application system.
Aniya, matutukoy na rin dito ng mga consumers kung ito ay rehistrado, peke o substandard na produkto ang itinitinda sa mga malls.
Binigyan diin nito wala pa naman silang natatanggap na reports o reklamo mula sa consumers.
Sinabi ng opisyal, nakatutok na ang ahensya sa mga mall at public market sa pagmomonitor ng quality standards ng mga decorations habang ang mga nagtitinda sa mga bangketa ay hindi nila ito saklaw at ito ay nasa local government unit ang humahawak pagdating sa monitoring ng kanilang itinitinda.
