Ipinangako ni Senador Ronald Bato Dela Rosa na ipagpapatuloy niya ang kanyang adbokasiya para sa public order at national defense and security kung sakaling manalo siya sa paparating na halalan.
Kasunod nito, kung mailuklok muli siya, target umano niyang buhayin ang death penalty para sa mga high level drug traffickers.
Anya, bagamat mahirap itong mapaaprubahan ay ipaglalaban niya ito sa susunod na Kongreso kung siya ay swertehin.
Dagdag pa niya, handa rin umano siyang isugal ang kanyang buhay, career at personal life para rito.
Samantala, isa pa sa nais niyang matutukan kung manalo siya ay ang pagsasabatas sa Mandatory Reserve Officers’ Training Corp.
