BANGA, AKLAN – Arestado ro daywa ka senior citizen ag sambilog pang eaeaki matapos maaktuhang illegal nga nagasugae sa Barangay Badiangan, Banga, Aklan ku September 9 it gabii.
Nakabatun ro mga pulis it report kaangot sa illegal nga sugae sa nasambit nga lugar ag kat pag abot it mga operatiba sa area hay naaktuhan ro tatlong kaeaeakihan nga nagahampang it ‘Lucky 9’ samtang ro iba hay nagdaeagan agud makapaeagyo sa mga pulis.
Insigida man nga dinaea ro mga naaresto sa Banga MPS ag nakumpiska ro baraha ag pilang pusta.
Kasong pag eabag sa Presidential Decree 1602 (Prescribing Stiffer Penalties on Illegal Gambling) ro ginkaso kontra sa mga suspek. / ANN DESLENE SALAZAR
