Nairekord ro daywa ka magkaseparar nga aksidente sa may banwa it Altavas kabii.
Unang aksidente hay natabo sa Poblacion, Altavas, Aklan kung siin ro 40yo nga eaeaking biktima nga taga Sitio Mag-abaka, Poblacion, Altavas, Aklan hay nag angkon it lastro sa anang kilay ag abaga.
Samtang ro ikaywang aksidente hay natabo sa Brgy. Linayasan, Altavas, Aklan kung siin ro 28yo nga eaeaking biktima nga taga Roxas City, Capiz hay nag angkon it lastro sa anang uyahon, alima ag tuhod.
Insigida nga ginrespondehan it mga personnel it Mdrrmo Altavas ro daywa ka aksidente ag matapos maeapatan it pagbueong ro mga biktima hay nagpamalibad ro mga raya nga magpadaea sa ospital. / ANN DESLENE SALAZAR
