Abli na ang syudad sa Davao alang sa mga turista nunot sa pagtanggal sa ubang restrictions.
Sumala kang City Tourism Operations Officer Generose Tecson apan giawhag ang mga turista nga adto lamang magpa-book sa mga establisyemento nga accredited sa Department of Tourism aron matud pa tabangan ang maong sektor.
Gani sa miaging mga adlaw daghan na ang mga flights gikan sa Dubai ang niabot sa Davao International Airport (DIA).
Nagtoo ang opisyal nga makabawi gikan sa epekto sa pandemya ang mga negosyante ug ekonomiya sa syudad pinaagi sa subling pagdawat og mga bisita.
Gitataw sa opisyal, ayha pa man gitanggal ang ubang restrictions nakaandam na og guidelines ang CTOO, kauban sa private sector, hotel accomodations, ug tour operators sa MICE (meetings incentives conference exhibitions) ug social events.
Subay matud pa sa Special Mayor’s Permit, mitaas ang kumpiyansa sa mga gustong magpahigayon og panagtigom sa Davao City.
Kahibaluang pipila sa retrictions nga gitanggal mao ang 24hours Liquor Ban, Curfew, mandatory nga paggamit og motorcycle barriers ug plastic barriers sa PUJs ug ubang public utility vehicles.
