Hinihintay pa ng vaccine expert panel ng Pilipinas ang karagdagang datus kaugnay sa COVID-19 vaccines na gagamitin para sa dalawa hangang limang-taong gulang.
Ayon kay Vaccine Expert Panel head Dr. Nina Gloriani may mga ini-evaluate na silang mga data subalit hindi umano ito sapat para payagan ang pagbabakuna sa mga bata.
Paliwanag ni Gloriani habang wala pang karagdagang datus ay hindi nilang pwede madaliin ang evaluation lalo’t mga bata ang pinag-uusapan dito.
Binigyan diin ng vaccine expert na bago bigyan ng emergency use authorization ang isang bakuna ay kailangan ng datus na nagpapakita ng efficacy nito ng hangang kalahati ng mga participant sa phase 3 trial.
Una nang sinabi ng IATF na balak nilang mabakunahan ang 0-4 years old pagdating ng Hulyo ngayong taon.
