Dakup kang Libertad Municipal Police Station kag Municipal Environment and Natural Resources Office (MENRO) Bantay Dagat sa ginpatigayon nga anti-illegal fishing operation sa Brgy. Pucio, Libertad, Antique sanday Allan Malinao, 53 anyos, kag Edwin Dugang, 46 anyos, lunsay mga kasado kag residente kang Barangay Santander, Buruanga, Aklan, las-4:30 sa hapon, Mayo 19, 2024.
Lakip sa mga nakumpiska sa darwa ka mangingisda amo ang motor banca nga balor P20,000; fish net balor P15,000; kag nadawi nga isda sa diin may ginabanta 10 ka kilo kag may balor P1,000.
Rugyan ron ang darwa ka persona sa kustodiya kang MENRO Libertad lakip ang nakumpiska nga mga kagamitan sa pagpangisda.
