LEGAZPI CITY – Nagkondusir an Municipal Agricultural Services Office (MASO) kan Daraga, Albay nin Pest And Disease Surveillance asin Regular Monitoring sa mga omahan sa banwaan.
Sinagibo ini partikularmente sa mga barangay kan Bañadero asin Kidaco kun sain nagkapira sa mga pigmonitor iyo an mga ekipahe sa pag-oma pati na an assesment sa high-value crops farm asin flower garden.
Durante kan mga training asin interbensyon kan mga nakalihis na bulan, nagdakol man an produksyon nin paroy kan mga paraoma sa tabang kan mga hybrid certified rice seeds asin fertilizers na pigdidistribwer.
Mientrastanto, kaibahan sa Binhi ng Pag-Asa program para sa mga jovenes an monitoring kan Free Range Chicken Livelihood Program sa Brgy. Bañadero.
