LEGAZPI CITY – Saro an lokal na gobyerno kan Malilipot, Albay sa mga nakasabay sa national awardees kan Anti-Drug Abuse Council (ADAC) kan Department of Interior and Local Government (DILG).
Sa bilog na probinsya, solamenteng an nasambit na lokal na gobyerno an nakakua kan nasambit na award.
Kasarabay pa kaini an lima pang mga lokal na gobyerno sa bilog na rehiyon, partikularmente an San Vicente kan Camarines Norte; Magarao asin Presentacion kan Camarines Sur asin Bulusan asin Juban kan Sorsogon.
An ADAC performance awards, tinatawan pagbisto an mga best-performing ADACs na nagko-comply sa mga kinakaipuhang functionality indicators asin an mga nagpautob nin interbensyon kontra iligal na droga.
