SORSOGON CITY – Arestado ang dalawang mangingisda matapos na mahulihan ng mga pinutol na mangrove tree o ‘bakhaw’ (bakawan) sa bayan ng Gubat, Sorsogon.
Ang mga suspek ay kinilalang sina Alvin Balsamo Del Rosario, 51-anyos at Rolando Espedillon Dongaban, 32-anyos parehong may kinakasama at kapwa naninirahan sa Brgy Cogon ng nasabing bayan.
Ayon sa hepe ng PNP-Gubat na si PMaj Jose Arnel Geronga, ang pagkahuli sa mga suspek kaninang alas 6:00 ng umaga ay resulta ng kanilang ‘intelligence driven operations’ vs illegal logging.
Nakumpiska sa mga suspek ang 6 na pirasong putol na ‘bakhaw’ na nagkakahalaga ng P600.00.
Mahaharap ang dalawa sa kasong paglabag sa section 43 ng PD 705 o Forestry Code of the Philippines.
PHOTO exclusive for Brigada News FM-Sorsogon
