Patay ang isang lineman at kritikal ang kanyang kasamahan matapos na askidenteng makuryente habang naglalagay ng solar streetlights sa Government Center, Candahug, Palo, Leyte.
Kinilala ang nasawi kay Joel Relon, residente ng Alangalang, Leyte; samantala nagtamo naman ng 3rd degree burn ang kanyang kasamahan na si Ramil Garrido.
Sa nakuhang impormasyon ng Brigada News FM Tacloban mula sa mga otoridad, aksidente umanong nasagi ng dalawang lineman ang livewire mula sa poste ng Leyte Electric Cooperative, dahilan para silay makuryente.
Naisugod naman sa hospital ang dalawa pero si Joel ay idinikalarang dead-on-arrival, samantalang si Ramil naman ay patuloy pang ginagamot sa hospital. (with reports from JASON DELMONTE – 93.5 BNFM TACLOBAN)
