Kulong sa Kalibo MPS ru sangka manakaw matapos masagi ru stainless nga “patibong” na nakabtang sa guwa it sari-sari store sa Brgy. Mobo, Kalibo, Aklan.
Suno sa may-ari, sumeod ru suspek sa ibabaw nga parte it sari-sari store apang napansin it igmanghod it tag-ana matapos masagi ru higot nga gin butang sa improvised stainless nga “patibong” nga konektado sa sueod it baeay.
Eagi man nga gin tan-aw it mga igmanghod it tag-anat sari-sari store rason nga nadakpan suspek sa sueod mismo it sari-sari store.
Gsto pa kuntang tumakas ru suspek pero naka abang eon mga magueang it tag-anat sari-sari store nga naka bantay sa motor nga gin apanag-iyahan it suspek rason nga uwa eon naka hueag.
Eagi man nga gin respondehan it Barangay Tanod ag hadakpan ru suspek ag gin daea sa Kalibo MPS para imbistigahan.
Apang, samtang gina imbistigahan ru suspek sa PNP Station, may nakit-ang 11anyos nga ungang eaeaki nga naga tinangis maeapit sa sari-sari store ag nakomperma nga kaibahan pa gali it suspek rason nga gin apas ag daehon sa Kalibo MPS.
Nadiskobrehan nga may daea nga bag naa may seod nga sanduko, fliers ag iba pang kagamitan nga pgina patihan nga ginagamit sa pagpanakaw.
Padayon pa sa makaron ru imbistigasyon it Kalibo MPS sa suspek.
Nasayuran nga may kapin sa ap-at eon nga besis nga tinakawan ru sari-sari store rason nga gin butangan eon nnada it stainless “patibong” para madakop ru suspek. //MARIVIC Y. ILIN
