Iniutos na ng provincial government ang madalas na fogging sa mga barangay sa Zambales na may mga naitalang kaso ng dengue.
Ito ay para bawasan ang tiyansa na lalong dumami tinamaan ng sakit na ngayon ay nasa mahigit isanlibo na kabilang ang sampung mga namatay.
Ayon kay Zambales Health Officer Dr. Noel Bueno, hindi naman kailangang magkaroon muna ng kaso ng dengue sa lugar bago magdesisyon ang mga Municipal Health Offices na magpa-fogging.
Ganunpaman, naniniwala pa rin si Bueno na kalinisan sa mga bakuran at mga tahanan ang solusyon para di na dumami ang mga lamok na may dalang dengue.//Christian Andres-BNFM OLONGAPO
