CAMARINES NORTE- Inanunsiyo ng Daet Doctors Hospital Incorporated na hindi muna ito tumatanggap ng pasyente simula noong Biyernes, September 4 hanggang October 1.
Sa isang pahayag sinabi ng pamunuan ng ospital na sa ngayon ay limitado muna sa emergency cases ang tatanggapin upang bigyang daan ang disinfection sa premise nito.
Suspendido muna pansamantala ang pagtanggap ng elective cases until further notice.
Hinihikayat naman na makipag ugnayan na muna sa emergency department sa pamamagitan ng pagtawag sa Emergency Room hotline na 09777436882 para sa emergency cases for admission.
Samantala, nanatiling nasa high risk ang healthcare utilization rate sa lalawigan.
Kahapon naitala ang 75 na bagong kaso ng COVID- 19 sa lalawigan na pinakamataas simula ng tumama ang pandemya.
Wala ring bagong gumaling sa sakit ang naiulat.
