Nagreport sa mga otoridad ro sambilog ka 23-anyos nga daeaga matapos segun nga mag-masturbate sa anang atubang ro sambilog ka 32-anyos nga pizza delivery boy samtang nagabukas raya it andang pwesto sa tindahan sa Barangay Poblacion, Dingle, Iloilo.
Base sa pahayag it biktima, may nagpanuktok sa pwertahan it andang tiyangge rason agud buksan nana raya pero hakibot imaw kat tumambad sa anang atubang ro eaeaki nga nagama-masturbate.
Tuyo segun nga magpalagiw it delivery boy sakay ro motorsiklo pero nabuytan it biktima sa kwelyo ag nagpangayo raya it bulig rason nga nadakop ro delivery boy.
Base sa imbetigasyon it Dingle Police Station, halin sa Jaro, Iloilo City ro suspek ag mag-dedeliver kunta it pizza sa Dingle.
Nasayuran nga may asawa ag daywa ka unga ro pizza delivery boy nga residente it Anilao, Iloilo./JIL B. LACSON
