KALIBO, AKLAN—Ginpatemprano do curfew hours sa bilog nga probinsya it Aklan kasunod it pagpaidaeom kara sa Modified Enhanced Community Quarantine (MECQ) umpisa August 1 hasta it August 15, 2021.
Base sa Executive Order No. 019 series of 2021 nga ginpaguwa ni Aklan Governor Florencio Miraflores, maga-umpisa do oras it curfew alas-8 ng gabii hasta it alas-4 it agahon ag nakadepende sa rekomendasyon it Provincial IATF kamana man it DOH kung patag-uron raya ukon paeawigon.
Bukon man it kaibahan sa curfew do mga nagatrabaho sa ospital ukon do mga una sa medical services, funeral services, emergency responders, DSWD, PSWDO, MSWDO, BHERT’s, LGU Officials, security services, Brgy. Official, Tanod, ag delivery personnel.
Sa pihak nga parte, hugot man sa gihapon nga igapatupan do liquor ban sa bilog nga probinsya. // SHERRY ANNE REUNIR-VIDAL
