Boluntaryo nga nagsungka sa mga kapulisan ang isa ka anay Communist Terrorist Group Supporter sa banwa sang Tapaz.
Sandig sa Tapaz Municipal Police Station, ginkilala ang nagsungka kay alyas Tago, 43-anyos, residente sang Brgy. Roosebelt sang nasambit nga banwa.
Nagaserbe ini nga manugdeliver sang foods supplies sa mga katapo sang Squad 2, sa pagpamuno ni Ka Tonying sang Igabon Platoon Central Front, KR-Panay humalin Pebrero 2012 tubtob Abril 2014.
Nagdesisyon ini nga magsungka matapos ang negosasyon sang mga otoridad kag ang kagustuhan nga magbalik na sa sabak sang gobyerno.
Gindala sang mga katapo sang PNP kag AFP ang nasambit nga persona sa talatapan ni Mayor Roberto Palomar agud mahatagan sang nagakaigo nga bulig. | Judy Ann Juare
