WALA pay nadawat nga motion for reconsideration ang Civil Service Commission o CSC region-12 gikan kang Eliodoro Alcaya ug city government sa usa ka posisyon sa LGU-GenSan.
Segun ni Atty.Hannah Examen, head sa legal services division sa CSC regional office 12 nga na-grant ang apela ni Maria Cora Tito, acting division chief sa CEMCDO batok sa paglingkod ni Alcaya.
Gipakanaog ang desisyon sa CSC niadtong Desyembre 17,2021 ug ning bulana lamang sa Enero, 2022 nadawat sa both parties ang desisyon.
Gitino usab ni Examen nga dili final and executor ang desisyon ug may 15 ka adlaw si Alcaya aron magduso og motion for reconsideration.
Ugaling madawat na sa CSC gibutyag ni Examen nga mogahin sila og 30 ka adlaw aron ipakanaog ang ilang desisyon kung paburan ang mosyon ug magpabilin sa unang desisyon pabor kang Tito.
Samtang dili na usab kinahanglang mutubag si Tito sa motion for reconsideration apan ang CSC na ang mag-evaluate sa mga grounds nga ipresenta sa nag-apela.
