Nag donate sa Aklan Provincial Hospital ro World Health Organization ag Korea International Cooperation Agency (KOICA) it medical equipment para sa Care for Small Babies (CSB) program, nga nakatutok sa pagpanaba sa kaso it manaba nga timbang ag pagkamatay it eapsag o neonatal mortality.
Nagtao man ro Philippine Business for Social Progress (PBSP) katuwang ro Deparment of Health it sangka unit it GeneXpert Machine, nga nagabulig sa pag-detect sa multidrug resistanct TB, ag pwede man nga gamiton sa HIV viral load testing, para sa temprano nga pagkadiskubre ag pagbueong.
Nagpasaeamat man ro pamunuan it Aklan Provincial Hospital sa tanan nga nagdonar agud mas mapabaskug ro health care provider network nga haum para sa Universal Health Care. // ANN DESLENE SALAZAR