Nagtao ro Department of Social Welfare and Development (DSWD) Field Office-6 Western Visayas, it masobra P64 million nga balor it bulig para sa mga apektado it El Niño sa rehiyon partikular sa 367,809 nga pamilya o 1,360,623 nga mga indibidwal.
Ro mga probinsya nga nataw-an it family food packs hay ro Negros Occidental, Antique, Iloilo, Aklan, Capiz ag Guimaras.
Base sa pamunuan it DSWD, kinhangean nanda nga doblehon ro andang pagtinguha bangud base sa report it Department of Agriculture, ro Western Visayas hay kaeakip sa 12 ka pinaka-apektadong rehiyon it dry spell kung siin, may P11.9 milyong balor it family food packs nga naipanagtag sa rehiyon. // ANN DESLENE SALAZAR
