nagnaba ro mga insidente it krimen sa una nga limang buean it 2022 sa bieog nga Western Visayas.
Base raya sa records it Police Regional Office 6 (PRO-6).
Ro kabieogan nga insidente it krimen sa rehiyon halin Enero hasta Mayo makarang dag-on nga umabot sa 8,366; 3.56% nga mas manaba kumpara sa pareho nga tiempo ku nagtaliwan nga dag-on.
Nagrekord ro Iloilo City nit pinakamaabong pagnaba sa mga kaso nga may 23.25% o 1,772 halin sa 2,309 ku nagtaliwan nga dag-on.
Napansin man nga nagnaba ro krimen sa probonsiya it Aklan ag Bacolod City./JIL B. LACSON
