BICOL – PINAWI ng Department of Health o DOH-Bicol ang pangamba ng mga magulang kaugnay sa pagiging ligtas at epektibo ng covid-19 vaccines sa mga kabataang edad 5 hanggang 11 taong gulang.
Ayon sa ahensya, napatunayang ligtas at mahigit 90% epektibo ang mga bakuna sa naturang age group.
Aprubado rin umano Food and Drug Administration (FDA) ang Emergency Use Authorization (EUA) at ang pag-administer, partikular na ang Pfizer BioNtech coid-19 vaccine 0.2ml para a mga ito ay ginagarantiyang ligtas.
Normal lamang din umanong makaranas ang mga kabataang naturukan ng ilang side effects tulad ng sa ibang bakuna kung saan makakaranas ng sakit sa bahaging tinurukan, pananamlay, sakit ng ulo at lagnat.
Gayunpaman, ito ay mga banayad na sintomas lamang at karaniwang gumagaling o nawawala rin sa loob ng 24 hangggang 48 oras.
Kagunay nito, mahalaga umanong ihanda ng mga magulang o guardian ang mga kabataan sa pagtanggap ng bakuna gayundin ipaalam sa mga ito ang vaccination process at maipaunawa sa mga kabataan kung bakit mahalaga ang bakuna at hindi dapat na katakutan.
