Miabot na sa kapin 100,000 ang mga natalang kaso sa covid-19 sa Central Visayas.
Kini human ang Department of Health-7 adunay natala nga 972 ka mga bag-ong kaso gikan sa nagkadaiyang bahin sa rehiyon diin labing daghan gihapon ang gikan sa Probinsya sa Sugbo nga adunay 383 ka kaso ug 308 sa dakbayan sa Sugbo.
Samtang ang mga naayo, misaka na usab sa 82,205 human napun-an ug 1,012 kagahapon.
Aduna usab 50 ka mga bag-ong namatay tungod sa komplikasyon dala sa coronavirus diin 35 niini gikan sa Cebu Province.
Sa kasamtangan, ang kinatibuk-ang ihap sa mga namatay tungod sa covid-19 sa Central Visayas, misaka na sa 2,990.
