Hilway na sa presohan ang driver sang salakyan nga nakabunggo-patay sa lalaki sa national highway sang Barangay Ondoy, Ivisan, Capiz, sang tinalikdan nga Sabado, Abril 22.
Sandig sa impormasyon nga nakuha sang Brigada News FM sa Ivisan PNP, ginapahayag nga natigayon nga mapaguha ang driver sang Toyota Veloz nga si Reynaldo Are, 70 anyos, kag residente sang Poblacion Sur, Sigma, matapos nagtakop ang 18 ka oras nga reglementary period sini.
Matandaan nga dead on arrival sa pribado nga ospital ang driver sang motorsiklo nga ginkilala kay Mario Sorio, 40 anyos, kag residente sang Barangay Cagay, Roxas City matapos aksidente nga bumunggo sa kasugata nga salakyan nga ginamaneho ni Are.
Bangud sa impact sang pagkabunggo, nag-angkon si Sorio sang patal nga pilas sa iya hita kag kinatawo, nga gintunaan sang iya kamatayon.
Sa karon, natalana nga magapasaka sang kaso ang pamilya sang biktima batuk sa suspek. | Judy Ann Juare
