Naniniwala si Commission on Elections (COMELEC) Chairman George Garcia na malaki ang magiging epekto ng naging pagtapyas sa kanilang pondo sa gagawing Barangay and Sangguniang Kabataan Election.
Ito ay matapos lumabas sa datos na ipinresenta ni Garcia na nasa mahigit P8 bilyon ang nawala sa kanilang pondo para sa BSKE habang nasa P3 bilyon naman sa National and Local Election.
Samantala, sa kabila nito, tiniyak ni Garcia sa mga senador na bumuo na sila ng cybersecurity bureau sa kanilang komisyon upang tumutok sa paglaban sa anumang cybersecurity problem.
