MAS klaro na ang direktiba sa mga Comelec officers kalabot sa ilang Oplan Baklas human nga may Temporary Restraining Order kon TRO gikan sa Korte Suprema.
Sa pahayag ni City Comelec Officer Atty. Sharmaine Papandayan Garangan sugod Marso 25 duha na ang ilang coverage sa Oplan Baklas, una ang mga campaign materials sa nasudnong mga kandidato ikaduha sa mga campaign posters sa mga lokal nga mga kandidato.
Wala man daw nadugang sa advisory gikan sa Comelec Central Office basi sa TRO, gipasabot lang ang klarong detalye sa ilang pagpangbaklas, tungod niini ang maapil sa ilang baklason ang mga posters sa pampublikong dapit nga wala sa Common Poster Areas, sunod ang mga posters nga subra sa ginatugot nga kadak-on nga 2 feet by 3 feet.
Gidugang ni Garangan nga tungod sa gipasaka nga kaso sa Luzon area ug sa TRO gikan sa Supreme Court dili usab nila hilabtan ang mga campaign materials nga nakabutang sa pribadong lugar ug mga posters nga gidonar sa pribadong mga tawo. I Ver Diazon
