Inaprubahan na ng Commission on Elections (COMELEC) en banc ang pagsasampa ng criminal case laban kay suspended Bamban Mayor Alice Guo.
Kasunod nga ito ng pag-match ng fingerprints ni Guo, sa isang Chinese national na si Guo Hua Ping.
Pinayagan na ng COMELEC en banc ang kanilang Law Department na magsampa ng pormal na kaso.
Sabi ni COMELEC chair George Garcia – ‘unanimous’ ang naging desisyon ng en banc.
Bunsod ito ng ‘misrepresentation’ nang mag-file si Guo ng kaniyang certificate of candidacy nang tumakbo siya bilang pagka-alkalde ng Bamban.
