Hugot karong gipahinumduman sa Commission on Election kon COMELEC ang mga kandidato ug mga taga-supurta nga sundon ang gilatid sa balaud alang sa patas ug luwas nga pagpangampanya.
Kini dungan sa pagsugod sa kampanya kagahapong adlawa ang pagsugod usab sa pagpamutang og campaign posters ugtarpaulins sa mga taga-suporta sa mga boot magpapili pagka-presidente, vice president, senators ug party-List groups.
Ubos sa Rules on lawful posters and tarpaulins
ilawum sa Section 6 sa Resolution 10730 sa Fair Elections Act, hugot gipahinumdom ang gidak-on sa Cloth, paper o cardboard posters nga anaa lang sa 2 x 3 feet, tarpaulins.
Samtang sa mga streamers kinahanglan dili mosobra sa 3 x 8 feet ang kadakuon nga mamahimo ibutang lima ka adlaw ayha ang meeting o rally apan kinahanglan tanggalon sulod sa 24 oras human sa aktibidad.
Alang usab sa mga printed materials sama sa pamphlets, leaflets ug stickers, kinahanglang dili molapas sa 8 ½ inches ang kalapadon ug 14 inches ang kataason.
Ang mga Campaign posters ug tarpaulins mamahimong ipahimutang sa authorized common poster areas sa public spaces ug sa mga pribadong luna nga dunay pagtugot sa tag-iya.
Giawhag usab ang mga partido ug kandidato nga pilion ang luwas ug eco-friendly materials sa mga campaign ug election propaganda ug likayan ang mga materyales nga dunay makadaot nga kemikal
Gawas niini hugot sab gipahinumdum ang safe in-person campaigning, rallies, conventions, motorcades, ug miting de avance subay sa Resolution 10732.
Dinhi hugot gidiskorahe ang Handshakes, hugs, paghalok, gunitanay og kamot ug ubang aksyon nga maglambigit sa physical contact sa mga kandidato, kauban, ug sa publiko.
Bisan ang pagkuha og selfie o pagpahulagway sa mag kandidato hugot nga gidili.BNFM-DAVAO
