Gin-deny sang COMELEC En Banc sa ginpaguwa sini nga desisyon napetsahan Abril 23, 2024 ang Motion for Reconsideration gin-file ni anay Bacolod City Mayor Evelio Leonardia sadtong Septyembre 19, 2022 nagahingyo nga igabaliwala ang mando sang Second Division sang Commission on Election sa pag-dismiss sang Petition for Protest batok kay incumbent Mayor Alfredo Abelardo Benitez sadtong Mayo 20, 2022.
Sandig sa ruling sang En Banc ginapaalinton sini nga ila ginhatagan sang pagtamod ang kapaslawan sang anay alkalde nga makapresentar sang mabakod nga balasehan ukon naka-presentar sang mga panibag-o nga issues nga makahatag sang merito sa desisyon sang nangin mando sang Second Division sang Commission.
Sa iya sini nga election protest, gintumod sang kampo ni Leonardia ang lapnagon nga dinayaay, irregularidad, kag vote buying sang kampo ni Benitez sa ginhiwat sadto nga May 9, 2022 National and Local Elections.