Patay ang 19 anyos nga lalaki matapos nga makuryente bangod maningit kuntani sang mangga sa Purok Katipunan, Sitio Inangtan, Brgy. Maquiling, syudad sang Sagay takna las-8 kagab-i sang Huwebes, Mayo 23, 2024.
Ang biktima ginkilala sa kay Clear John Tequillo, isa ka senior high student kag residente sang nasambit nga lugar.
Sa inisyal nga report sang Sagay City Police Station, ginsaysay sang Associate Pastor sang Inangtan Evangelical Church nga nagsaka Ang biktima sa mangga malapit sa simbahan kag maningit kuntani sang bunga gamit ang Galvanized Iron (GI) Pipe (tubo).
Apang aksidente nga nasangit ang tubo nga ginakapyutan sang biktima sa live wire rason nga nakuryente ini.
Gilayon nga nagresponde ang tupad balay kag pamilya sang biktima nga una nakakita kung sa diin nag gamit sila sa kawayan para mapalayo ini sa GI-pipe nga nagakonekta sa electric wire kag ginhingagaw dala sa Alfredo E. Marañon Sr. Memorial District Hospital apang gindeklarar nga ini nga dead in arrival.