WALA unay mahitabo nga kabag-ohan sa General Santos City Police Office (GSCPO) sa paglingkod sa pwesto sa bag-ong labaw. Matud ni PCol. Paul Bometivo, city police director sa GSCPO prayoridad usab niini ang pagpatuman sa “Oplan Iron Clad” o Integrated and Revitalized Operation of Neighborhood Watch Against Criminality, Lawlessness, and Disasters.
Ang programa ang unang gilusad ni PRO-12 director Brig. Gen Alexander Tagum sa paglingkod niini sa pwesto atong Nobyembre 2021. Asa sa mandu ni Tagum, angayang naa sa kalsada ang kapulisan 24 oras aron masiguro ang seguridad sa lokalidad.
Sa karon, naka-full alert status ang GenSan human sa nahitabong pagbusikad sa eksplusibo duol sa checkpoint sa Pikit, North Cotabato. Samtang bag-o paman nilingkod si Bometivo halos bag-o ang na ang hepe sa walo ka presinto sa siyudad. I Richel Gubalani
