NAGBUNGA ang kayod sa mga magdudula sa Philippine Coastguard Southern Mindanao sa championship game batok sa mga kinakusgan sa DepEd Gensan.
Managsama nga naghandum ug kampeonato sa labing unang inter-agency basketball game sa Brigada mao nga mainiton ang aksyon sa dula gikan sa una hangtud sa katapusan
Human sa jumpball unang nakapuntos ang DepEd team ug nilamang sa paghuman sa first quarter.
Sa ikaduha nga quarter nikamada og daghang puntos ang shooting guard sa DepeD nga si Carlo Basan gikan sa three point region inabagan sa iyang kaubanan
Nahuman ang ikaduha nga quarter nga may balon nga 11 puntos ang mga magtutudlo
Sa ikatulo nga quarter nausab ang tiyempo sa dula human nga gigamit sa taga Coastguard ang ilang nabilin nga kusog sa pagdepensa nga dili dayon makatabok ang bola sa center line ug magkalisod ang DepEd team sa paghimo sa ilang mga assist gidikitan na usab ang shooter nga si Basan mao nga nahuman ang third quarter sa score nga 76-72 pabor na sa Coastguard
Sa ikaupat nga quarter nagpadayon ang momentum nga nakuha sa Coastguard bisan kon naningkamot usab ang DepEd players
Wala na gayud napugngan ang Coastguard players ug gibalon ang 10 ka puntos nga kalamangan aron hingpit nga kab-uton ang kampeonato sa score nga 97-87. I Ver Diazon
