CAMARINES NORTE- Tniyak ni CNPPO Provincial Director PCol Julius Guadamor ang kahandaan ng kanilang hanay sa darating na 2022 May 09 National and Local Election
Nitong Abril 27, 2022, nakiisa ang Camarines Norte Police Provincial Office sa isinagawang Simultaneous Inspection ng mga equipments at logistical readiness test sa lahat ng mga kagamitan ng PNP bilang paghahanda na pinangunahan mismo ni PNP Chief, PGEN DIONARDO CARLOS.
Nanatili namag nakafull alert status ang mga kapulisan para sa pagbabantay ng mga dumarating na Voting Counting Machines (VCM’s) at iba pang mga election paraphernalias sa probinsya
Una ng isinagawa ang testing at sealing ng mga VCM’s sa lahat ng mga polling centers na pinangunahan ng mga gurong nakatalaga na magsiserbisyo sa nalalapit na halalan sa ilalim ng superbisyon ng mga COMELEC Officers.
Layong nito na matiyak na lahat ng VCM ay gumagana at nasa maayos na kondisyon at upang makatiyak na magiging ligtas ang boto ng bawat isa sa mismong araw ng eleksyon.
Maliban sa pagbabantay ng mga kagamitan at paraphernalia, inatasan din ang PNP na pangunahan ang pagsasagawa ng muzzle taping ng mga baril ng mga tumatakbong kandidato bilang isa sa best practice ng PNP sa tuwing darating ang halalan na isinasagawa at pinangungunahan mismo ng mga Chiefs of Police (COP) sa buong bansa.
Ayon kay PD GUADAMOR, 100% na nakahanda ang buong kapulisan sa probinsya at titiyaking sa abot ng kanilang makakaya ay papanatilihin ang isang ligtas, malinis, patas at mapayapang halalan.
