Aksidenteng napalaya ng mga awtoridad sa Amerika ang suspek sa pagbaril sa “dog walker” ni Lady Gaga, at tumangay sa dalawa niyang mamahaling French bulldog.
Sa ulat ng Agence France-Presse, sinabi ng US Marshals Service na patuloy na hinahanap ang suspek na si James Howard Jackson, 19, na aksidenteng napalaya noong nakaraang Abril dahil umano sa “clerical error.”
Kaugnay nito, nag-alok na ang mga awtoridad ng $5,000 reward sa makapagbibigay ng impormasyon para madakip si Jackson na itinuturing “armed and dangerous.”
Si Jackson ay kasama sa tatlong lalaki na kinasuhan ng attempted murder at robbery dahil sa nangyari sa dog walker ni Lady Gaga na si Ryan Fischer noong 2021.
