Muling tatanggap ang Indonesia’s holiday island na Bali ng mga travelers mula sa lahat ng bansa, ngayong linggo.
Ayon kay Tourism minister Sandiaga Uno, bagama’t opisyal nang nagbukas ang Bali para sa mga bisita mula sa China, New Zealand, at Japan noong mid-October, ay wala pa naman umanong direct flights papunta dito.
Ang desisyon ay sa kabila ng steady rise sa mga kaso ng COVID-19 sa Indonesia ngayong buwan, dahil sa Omicron.
Mababatid na noong 2019, dinagsa ang Bali ng 6.2 million foreign visitors, pero pinadapa ang turismo noong 2020 matapos ipatupad ang mahigpit na pandemic border restrictions.
Samantala, sinabi ng Singapore Airlines na ibabalik nila ang kanilang flights papuntang Bali mula sa Singapore, simula sa Feb. 16.
