Ninanais ng City Tourism Office ng Legazpi na matuldukan na ang problema at mga reklamo tungkol sa overpricing sa pamasahe ng mga tricycle drivers.
Ayon kay Cristina Agapita Pacres ng nasabing opisina, pinaplano nitong magkaroon ng dayalogo ang tricycle driver at Committee on Transportation upang mapag-usapan ang tamang fare matrix o pamasahe lalo na sa mga turista.
Aniya, wala pa umanong target date kung kailan maisasagawa ang pag-uusap dahil hindi pa naman nakakapagpadala ng sulat sa mga iimbitahan.
Umaaasa rin ito na magiging matagumpay ang isasaagawang pag-uusap at wala nang mga reklamo pang maipapaabot sa kanilang opisina tungkol sa overpricing.
Sa ngayon, ang tanging masusunod na muna sa pamasahe sa tricycle ay ang kasalukuyang fare matrix sa lungsod.
