GIBARUGAN ni city councilor-elect Atty Kan Balleque sa iyang pagpangatungdanan sa Sangguniang Panlungsod nga mga katawhan ang mahimo niining master o amo.
Gipasabot niini, nga wala kini laing guide kondili mao ang pagpromotar sa welfare sa katawhan ug wala usab kini laing tumong kondili ang pagpa-angat sa panginabuhian sa katawhan.
Sa kada isyu, sa kada legislasyon, gitino ni Atty.Kan, modapig siya bisan asang partido, RCRI man o PCM basta alang sa kaayohan sa mga katawhan sa GenSan.
Gani gidugang sa bag-ong elect nga konsehal sa partidong AIM nga duha lang ang iyang stand, una, “If it is for the interest of the people it should be non negotiable, ug ikaduha, “the interest and welfare of the public should never be compromised.”
Sa bag-ong na-elect nga mga opisyal sa syudad, nabahin sa tulo ka partido, ang PCM nga mao ang mayor-elect ug RCRI nga maoy vice mayor-elect ug PCM usab ang congressman-elect.
Samtang sa mga konsehal, naay duha gikan sa AIM, pito sa RCRI ug tulo sa PCM.
